Rafdrifinn skrúfubúnaður

Naust Marine býður upp á rafdrifinn skrúfubúnað fyrir bæði stór og smá skip. Val er um bæði dísel rafknúinn (e. Diesel electric) og blendingsrafknúinn (e. Hybrid electric) framdrifsbúnað, samkeyrðan eða hliðtengdan og/eða alrafknúinn (e. All electric) búnað sem eingöngu er drifinn áfram af rafhlöðum.

Meðal viðskiptavina Naust Marine eru rannsóknarskip, skemmtiferðarskip, dráttarbátar, prammar, ferjur og snekkjur.

Rafmagnsframdrif eru að verða sífellt vinsælli vegna jákvæðra umhverfisáhrifa og ekki síður vegna minni hávaðamengunar og titrings.  Tækniframfarir í rafhlöðubúnaði hafa verið örar undanfarin ár, búnaðurinn er orðinn smærri, öflugri og ódýrari sem aldrei fyrr. 

Rafdrifinn skrúfubúnaður

• Val um ýmsar stærðir
• Mótor valkostir eru: Venjulegir AC mótorar, venjulegir DC mótorar og svo fastseguls-mótorar AC (Permanet Magnet)
• Með PM mótorum er val um hraða mótors niður í 150 snúninga pr. mínútu eða jafnvel lægri ef óskað er
• Möguleiki á beintengingu við tromlu, engin þörf á gírkassa sem eykur heildarnýtni í kerfinu
• Full stjórnun á hraða og afli í gegnum snúningssvið mótora. Engin þörf á skiptiskrúfu
• Í þeim tilvikum sem vindur eru einnig til staðar þá er hægt að samstilla kerfin